Accessibility links

Breaking News

Eleksyon Prezidansyèl nan Ondiras – Juan Hernandez Ranpòte Laviktwa


Juan Hernandez, kandida pati ki sou pouvwa a, Pati Nasyonal la, ap salye patizan n yo nan kapital la, Tegucigalpa (24 nov. 2013).
Juan Hernandez, kandida pati ki sou pouvwa a, Pati Nasyonal la, ap salye patizan n yo nan kapital la, Tegucigalpa (24 nov. 2013).
Nan Honduras, nan moman 2 tyè nan vwa yo fin konte aprè eleksyon prezidansyèl ki te dewoule dimanch pase a, konsèvatè Juan Hernandez, kandida Pati Nasyonal ki sou pouvwa a, ranpòte laviktwa. Konsèy electoral la fè konnen Misye Hernandez gen yon avans pèsonn pa ka ratrape --swa 34 pou san vwa yo-- tandiske kandida pati liberal zèl goch la, Xiomara Castro de Zelaya, ranpòte 28 pou san.

Madam Castro se madanm ansyen prezidan Manuel Zelaya ki te pèdi pouvwa a nan yon kou-deta nan lane 2009. Pati Madan Castro a di li pap aksepte rezilta yo, paske te gen koken nan eleksyon an; li deside ale nan tribinal avèk afè a. Avoka Kanpay Pati Liberal la, Esdras Amado Lopez, bay eksplikasyon sa a:

« Nou pa pral negosye ditou-ditou avèk Juan Orlando Hernandez. Prezidan eli Ondiras la se Xiomara Castro de Zelaya».

Msye Orlando Hernandez, bò kote pa l, bay yon konferans pou la près nan Tegucigalpa, kapital la, kote li fè konnen : si nenpòt moun gen dout sou pwosesuis elektoral la, moun sa dwe fè tande vwa li. Kandida Pati Nasyonal la deklare :

« Si yon moun gen yon dout kèlkonk sou kandida ki te patisipe nan pwosesis elektoral la, sou dekont vòt yo, sou kantite bilten pèp la jete, oubyen sou nenpòt aspè pwosesis la, moun sa a kapab al prezante doleyans li nan tribinal ---- se pou sa tribinal elektoral la la. Epi se fini. »

Daprè anbasadè ameriken an nan Ondiras ak yon ekip obsèvatè elektoral Inyon Ewòp la, pwosesis la te dewoule san iregilarite e yo ankouraje kandida yo pou yo respekte rezilta yo.
XS
SM
MD
LG