Accessibility links

Breaking News

Vizit Palmantè Ewopeyen nan Washington sou Dosye Espyonaj la


Plizye palmantè ewopeyen fè deplasman pou yo vini Washington pou yo rankontre ak otorite ameriken yo sou akizasyon ki di Lèzetazini fè espyonaj sou alye l yo.

Yon delegasyon palmantè ewopeyen 23 manm kòmanse, nan jounen lendi 28 oktòb 2013 la, yon seri rankont ak palmantè ameriken e lòt otorite nan plizyè ajans gouvènmantal ameriken --pami yo genyen Ajans Sekirite Nasyonal Lèzetazini an. Rankont sa yo pral kontinye dewoule jiska mèkredi semèn sa a.

Sou menm dosye a, Depatman Afè Etranjè peyi Espay la, konvoke anbasadè ameriken an nan Madrid, James Costos, pou yon rankont ki dire 45 minit e kote otorite yo poze l kesyon sou yon atik ki parèt nan 2 jounal espayòl ki di ke Lèzetazini te kolekte enfòmasyon sou plis pase 60 mil apèl telefonik ki te fèt nan peyi Espay nan yon mwa.

Daprè atik la, otorite ameriken yo te note nimewo telefòn yo ak dire apèl yo; sepandan yo pat koute konvèsasyon yo.
XS
SM
MD
LG