Accessibility links

Etazini: Ekonomi Peyi a Anrejistre yon Kwasans 2,5%

  • Ekip Sèvis Kreyòl VOA

Rapò Depatman Komès ameriken an pibliye jodi a fè konnen ekonomi peyi a anrejistre yon ogmantasyon 2, 5 pou san pou peryòd avril ak mwa jen an pa rapò ak premye trimès ane 2013 la.

Pwogrè sa a, definitivman depase estimasyon 1,7 pou san gouvenman an te fè sou kwasans ekonomi an, sa gen yon mwa , e li plis ke double pousantaj yo te anrejistre nan premye trimès la.

Daprè Depatman Komès la toujou, elan ekonomi amerikèn nan pran la a gen pou wè ak ogmantasyon pwodwi Lezetazuni ap ekspòte aletranje; yon ekspòtasyon ki depase estimasyon ki te fèt anvan yo.

An plis de sa, kantite pwodwi Lèzetazini ap enpòte sibi yon bès ki depase premye kalkil yo te fè sou kesyon an.
XS
SM
MD
LG