Accessibility links

Nouvo Prezidan nan Paragwe : Horacio Cartes

  • Ekip Sèvis Kreyòl VOA

Nan Paragwe, ann Amerik di Sid, youn nan moun ki pi rich nan peyi a, Horacio Cartes, prete sèman kòm nouvo Prezidan de la Repiblik. Misye Cartes resevwa yon bann ak yon pakèt otorite ak diyitè nasyonal aprè li te fin prete sèman jedi 15 out 2013 la.

Horacio Cartes se yon novis nan zafè politik; li te ranpòte preske mwatye nan vwa yo nan eleksyon prezidansyèl ki te dewoule nan mwa davril pase a. Li te mennen yon kanpay kote li te pwomèt pèp paragweyen an li pral kreye travay nan peyi a si se li ki ranpòte laviktwa.

Misye Cartes ranplase yon ansyen evèk katolik, Fernando Lugo, ki te tonbe anba jijman palman an ane pase a; palmantè yo te fin pa deside wete l sou pouvwa a.
XS
SM
MD
LG