Accessibility links

Birmani: Prezidan Thein Sein Pwomèt Liberasyon prizonye Politik yo

  • Ekip Sèvis Kreyòl VOA

Nan Birmani, prezidan Thein Sein pwomèt pou l lage tout prizonye politik ki genyen nan peyi a disi fen ane a. Mesye Thein Sein fè pwomès sa nan yon diskou li pwononse nan vil Lond nan kad premye vizit lap fè nan Lagrand Bretay.

Lidè birman an resevwa yon akèy plen chalè nan men premye minis britanik la, David Cameroun. 2 dirijan yo te diskite sou ogmantasyon rapò komèsyal ak kowoperasyon militè ant 2 peyi yo.

Mesye Cameroun egzòte prezidan birman an defann dwazimen nan peyi l. Te gen yon pakèt manifestan ki te akeyi mesye Thein Sein pou pwoteste kont vyolansyon dwamoun nan Birmani. Anprizonman san rezon advèsè politik se youn nan mak fabrik rejim militè Birmani an.
XS
SM
MD
LG