Accessibility links

Ejip-Politik: Plis Pwotestasyon sou pye an Favè Prezidan Ranvèse a, Mohamed Morsi

  • Ekip Sèvis Kreyòl VOA

Patizan prezidan dechouke ejipsyen an, Mohamed Morsi, ap chante eslogan kont lame a nan kapital la, Lekèr (Foto: 11 jiyè 2013).
Nan Lejip, lidè Pati Frè Mizilman yo (pati prezidan ranvèse a, Mohamed Morsi) lanse apèl bay pèp la pou mande l desann sou kapital la, Lekèr, pou l patisipe nan yon gwo mouvman pwotestasyon, vandredi 12 jiyè 2013 la, pou l montre apui li pou prezidan dechouke a.

Manm pati a anonse se pral yon manifestasyon pasifik; men yon gwo otorite nan Frè Mizilman yo, Safwat Hegazi, di li atann li aske sitwayen yo reponn a lapèl pa bann e pa pakèt atravè tout kapital la. Misye Hegazi deklare :

« Objektif nou avèk manifestasyon vandredi a nan Lekèr, kote nou pral rasanble pa mwens ke 15 milyon ejipsyen, se pou n fè tout moun konnen se pa manifestan pati a sèlman ki kont koudeta a; men se tout peyi Lejip ki kont li. Pral gen defile nan direksyon divès kote tankou plas piblik yo, katye-jeneral gad prezidansyèl la, depatman defans nasyonal la, elatriye. Nou pap gen pwoblèm pou nou ale menm sou Plas Tahrir la ; men se yon posiblite sèlman. »

Yon pòtpawòl Pati Frè Mizilman yo, Gehad el-Haddad, fè konnen mouvman pwotestasyon an pral kontinye jiskaske Prezidan Mohamed Morsi retounen sou pouvwa a. Sa gen yon semèn ak 2 jou depi lame te ranvèse gouvènman Misye Morsi a –pou plis presizyon nan dat mèkredi 3 jiyè 2013 la.
XS
SM
MD
LG