Accessibility links

Etazini-Afrik: Prezidan Obama Rive nan Tanzani

  • Ekip Sèvis Kreyòl VOA

Prezidan ameriken an Barack Obama vwayaje ale Tanzani dènye etap yon vizit l ap fè nan 3 peyi Afriken. Msye Obama pral fè chita-tande avèk prezidan Tanzani an, Jakaya Kikwete, plizyè òm dafè --- epi li pral pran la pawòl nan yon fowòm dafè.

Tanzani se youn pami 7 peyi ki pral benefisye direkteman de yon nouvo inisyativ 7 milya dola msye Obama te anonse pou ede amelyore pwodiksyon elektrisite anba Sahara Afriken an.

Lidè ameriken an te devwale pwogram ki rele “Power Africa a” nan yon diskou li te pwononse nan Inivèsite Cape Town nan, nan Afrik di Sid; li di pwogram sa a pral double aksè a elektrisite atravè rejyon an pandan 5 kan k ap vini yo. Aksè a elektrisite enpòtan anpil pou opòtinite nan epòk sa a. Se avèk limyè pou ti moun yo etidye. Enèji ki pèmèt yon lide transfòme an yon vrè antrepriz. Sovetaj pou fanmiy yo reponn a nesesite de baz yo. E se koneksyon ke yo bezwen pou ploge Afrik nan rezo ekonomi mondyal la. Nou oblije gen elektrisite."

An plis Tanzani, inisiativ sa a pral lanse tou nan peyi Ethiopi, Kenya, Liberia, Nigeria , Ouganda ak Mozambik. Prezidan Etazini an, Barack Obama t al vizite Robben Island ann Afrik di Sid kote Nelson Mandela te pase 18 tan poutèt li t ap goumen pou chanje rejim Apartheid la nan peyi a.

Prezidan an ki te vizite zile sa a nan ane 2006 kòm yon senatè Etazini te akonpaye pou premyè fwa avèk premyè dam Etazini an Michelle Obama e ak 2 pitit fi li yo. Premyè famiy nan te wè ti selil prizon kote yo te fèmen Msye Mandela a .

Msye ak madanm Obama kite yon mesaj nan liv vizitè zile a, yo ekri: "Se avèk anpil emosyon ke yo kanpe kote gason ak fanm vanyan te kanpe kont enjistis e yo te refize bat-ba "
XS
SM
MD
LG