Accessibility links

Elektè Iranyen yo Eli Kandida Modere Hassan Rowhani Kòm Nouvo Prezidan


Prezidan eli Iran an, Hasan Rowhani, pandan l ta p fè kanpay 10 jen pase a nan vil Sanandaj, nan lwès Iran. (Foto 10 jen 2013)
Minis enteryè Iranyen an, Mostafa Mohammad Najar, deklare kandida modere Hassan Rowhani ranpòte eleksyon prezidansyèl la nan Iran--yon viktwa “sipriz" sou lidè liy di peyi a.

Rowhani---favori refòmatè yo e ansyen negosyatè nikleyè an chèf iranyen---rekòlte 19 milyon vòt sou 31 milyon vwa ki konte deja yo swa yon tikras pliske 51 pousan vwa-yo---yon chif k ap evite li ale nan yon dezyèm tou.

Lèzetazini felisite pèp iranyen an pou patisipasyon li nan eleksyon an.
Sekretè laprès Mezon Blanch lan, Jay Carney, di gouvènman Obama a respekte vòt la.
Men deklarasyon misye Carney a souliyen eleksyon an te dewoule nan mitan sa li rele anpil "obstak ak limitasyon gouvènman iranyen an te mete, tankou mank transparans, baboukèt sou medya ak mezi sekirite ki kraponnen moun.

Misye carney di Lèzetazini espere gouvènman iranyen an va tande mesaj pèp la e fè chwa ki kapab kreye yon pi bon avni pou iranyen yo. Li reyafime tou volonte Lèzetazini pou l pale dirèkteman ak Iran pou jwenn yon solisyon diplomatik sou pwogram nikleyè Repiblik Islamik la.
XS
SM
MD
LG