Accessibility links

Ajans nouvèl Leta Chinwa a Anonse Lame Peyi a pral Kòmanse fè Egzèsis Militè

  • Ekip Sèvis Kreyòl VOA

Ajans nouvèl Leta Chinwa a anonse Lame chinwaz la pral fè kèk egzèsis militè mwa pwochen an pou teste nouvo fòs konba, pami yo inite ki pral sèvi ak teknoloji nimerik (dijital).

Chin Nouvelle rapòte egzèsis sa yo se premye egzèsis Lame Chinwaz la ki pral chita sou fòs konba nimerik ki ka sèvi nan yon gè kote moun jwen aksè a enfòmasyon ki nesesè yo.

Anons fòs konba nimerize a rive nan moman prezidan ameriken Barack Obama sipoze diskite semèn k ap vini an ak prezidan chinwa-a, XI JINPING, e nan moman tou genyen yon seri nouvèl tounèf kap tonbe ki di genyen yon seri atak sibènetik k ap fèt sou systèm Defans Lèzetazini.

Otorite ameriken yo pa vle fè kòmantè sou dènye rapò a, men Pòtpawòl Lamezon Blanch lan, Jay Carney, di li sèten prezidan Obama pral diskite kesyon sa a ak prezidan chinwa a lè yo va rankontre pou kèk chita-pale semèn k ap vini an.

Misye Carney kalifye kesyon sa a :kòm prensipal kè sote” gouvènman an otorite ameriken yo pa janm rate okazyon abòde (nan tout nivo) avèk tokay chinwa yo.

Lendi, jounal ameriken The Washington Post te pibliye plizyè pasaj yon rapò konfidansyèl Depatman Defans ameriken ki akize Lachin deske lap fè espyonaj sibènetik ki konpwomèt systèm zam pi “sansib e pi avanse” Lèzetazini.
XS
SM
MD
LG