Accessibility links

Breaking News

Fen Yon Semèn Kochma ak Tansyon Nan Boston, Eta Massachusetts


Foto Dzhokhar Tsarnaev, 19 van, lapolis Eta Massachusetts nan Watertown remèt laprès vandredi 19 avril 2013 la apre ajan sekirite yo finn dekouvri e kenbe sispèk la ki te kache nan yon ti chaloup nan lakou dèyè yon kay prive nan Watertown, nan Boston.
Foto Dzhokhar Tsarnaev, 19 van, lapolis Eta Massachusetts nan Watertown remèt laprès vandredi 19 avril 2013 la apre ajan sekirite yo finn dekouvri e kenbe sispèk la ki te kache nan yon ti chaloup nan lakou dèyè yon kay prive nan Watertown, nan Boston.
Yon semèn long, chaje tansyon bout pou abitan vil Boston, Eta Massachusetts, ak katye alantou yo apre ajan polis ak ajan FBI kwense e poze men vandredi swa sou 2e sispèk nan eksplozyon lendi 15 avril 2013 la nan Marathon Boston an.

Sispèk Dzhokhar Tsarnaev, diznevan (19 van), kouche nan sant Medikal Beth Israel Deaconess Boston nan anba gwo siveyans lapolis pandan lap resevwa swen pou bklese li sibi nan afwontman li ak fòs sekirite yo pandan kabal li a. Nouvèl yo di li nan yon eta kritik.

Lòt sispèk la, gran frè li Tamerlan Tsarnaev, 26 zan / mouri depi jedi swa nan yon boukantay kout zam ak lapolis pandan l tap eseye kouri kraze-rak apye.


Lapolis kwense ti frè-a vandredi swa anndan yon ti chaloup ki te nan garaj pwopriyetè li nan yon katye Watertown, alantou vil Bonston. Otorite yo poze men sou misye apre yon bèl boukantay kout-zam.

Rezidan yo nan yon vag lakontantman nan Watertown, leve kanpe pou kriye "Ayibobo" pou fòs sekirite, ajan polis ak ajan FBI ki te travay san pran souf pou rann devlopman sa a posib.

Vandredi swa, byen ta, moun te anvayi lari ti vil Watertown pou bat bravo pou polisye ak ajan FBI yo (Biwo Envestigasyon Federal la)
apre yo te aprann lapolis jwenn e kenbe Tsarnaev.
XS
SM
MD
LG