Accessibility links

Rebèl Siryen Mete Men sou Plis Pase 20 Gadyen L’ONU nan Mòn Golan yo

  • Ekip Sèvis Kreyòl VOA

Nan Filipinn, otorite yo kondane ak tout fòs yo yon gwoup rebèl siryen ki fè dappiyanmp sou 21 gadyen lapè Nasyonzini nan zòn dezangajman sou mòn Golan yo ant Syri ak Izrayèl. Ministè afè etranjè peyi a fè parèt yon deklarasyon kote li fè konnen detansyon sitwayen Filipinn gadyen lapè l’ONU yo se yon gwo vyolasyon dwa entènasyonal.

Ministè a ajoute , gouvènman an ap travay avek Nasyonzini, Etazini, La Grand’Bretay , Lafrans ak Lalmay pou ede jwen liberasyon sòlda-yo. Anbasadè Larisi nan òganizasyon mondyal la , Vitaly Churkin, di laprès gadyen lapè yo tap transpòte ekipman nan yon pòs obsèvasyon Nasyonzini mèkredi 6 mas la lè gen 30 konbatan ame te stope yo.

Nan video ki parèt sou entènèt nan Youtube , moun ka wè rebèl siryen yo avèk konvwa pwovizyon Nasyonzini an.
XS
SM
MD
LG