Accessibility links

Difikilte Aprè Siklòn Sandy pa Anpeche Rezidan New York ak New Jersey al Vote

  • Ekip Sèvis Kreyòl VOA

Nan moman rezidan New York ak New Jersey yo ap lite pou yo rekanpe sou 2 pye yo aprè gwo manman siklon Sandy, responsab elektoral yo ap goumen pou asire yo ke rezidan yo jwen yon chans pou yo vote.

Gouvènman leta New York ak New Jersey mete yon seri mezi sou pye pou pèmèt elektè yo al vote nan kèk lòt biwo vòt ki pa biwo abityèl yo.

New Jersey ap pèmèt elektè yo vote pa la Pòs oubyen pa Fax —yon aksyon ki pa pral ede vrèman vre plis pase yon milyon moun ki toujou ap tann pou yo soti nan Blakawout.
Karans gaz ak yon sistèm transpò piblik kokobe pral andikape efò elektè yo ap fè pou yo rive nan biwo d vòt yo jodi a.

Gen kèk awondisman nan New Jersey ki livre kèk bilten pwovizwa nan kèk abri pou pèmèt moun yo vote. New York City mènm mete plizyè otobis disponib pou ede rezidan yo ale ranpli devwa sivik yo.
XS
SM
MD
LG