Tanpèt Sandy, ki tounen yon siklòn kounyela a, fè viktim ak dega nan anpil vil pwovens peyi d Ayiti, sitou nan Depatman Lwès la ak rejyon Gran Sid la ki gen ladan n 4 depatman: Sid, Sidès, Grandans avèk Nip. Nan vil Okay, nan Depatman Sid peyi a, korespondan nou Jean-Herns Eliscar di nou lapli te kontinye tonbe jis nan kòmansman jounen vandredi 26 oktòb la e li posib pou bilan dega ak viktim yo ogmante.