Accessibility links

Sekretè Jeneral Nasyonzini an Eksprime kè Sote l Konsènan Siri

  • Ekip Sèvis Kreyòl VOA

Militan yo fè konnen fòs gouvènmantal yo kontinye ap men-nen atak fewòs yon jou apre sekrete jeneral Nasyonzini an Ban-Kimoon eksprime kè sote l konsènan atak ayeryèn ak gwo zam ki kontinye ap fèt nan peyi a .

Militan yo kontinye pou di atak nan Damas yo touye 2 moun e fòs gouvènmantal yo atake tou kèk bastion rebel an deyè kapital la. Komite lokal ko-òdinasyon yo di atak yo te dewoule tou nan Daraa ak nan Idlib.

Yon pòtpawòl Nasyonzini di mesye Ban lanse yon apèl bay minis afè etranjè siryen an Walid al-Moualem pou gouvènman an montre plis konpasyon pou pwòp pèp li.

2 lidè sa yo te rankontre nan okazyon asanble jeneral Nasyonzini an. Pandan yon dikou nan asanble jeneral l’ONU an , mesye Moualem akize Etazini, Lafrans, Katar, Arabi Saoudit ak Turki dèske y ap apiye teworism nan Siri lè yo founi zam ak lajan bay rebèl yo.

Li konsidere tou apèl pou Prezidan Bashar al-Assad kite pouvwa a reprezante yon enjerans nan zafè entèn peyi.

Yè lendi a , avyon konba gouvènmantal te lage bonm sou yon vilaj ki tou pre fwontyè Turki a, nan pati nò Siri, kote yo pran lavi omwen 21 moun.

Responsab dwazimen siryen yo di genyen omwen 8 timoun ki pami viktim yo. Militan poste yon videyo sou afwontman ki dewoule nan vilaj la, kote moun ka wè viktim ki monte pil sou pil nan dèyè yon kamyonèt Pickup.

Yon lòt gwoup militan, an palan de komite ko-òdination lokal la, fè konnen genyen 30 moun ki peri nan eksplozyon bonm yo.
XS
SM
MD
LG