Accessibility links

Breaking News

Siklòn Izaak ap Pase sou Kèk Eta ki nan Pati Sid Etazini


Siklòn Izaak rive sou vil istorik Nouvèl Olean, nan Eta Lwizyàn, Ozetazini, aprè li te touche tè nan pati sidès Eta a nan nuit madi 28 pou leve mèkredi 29 out la.

Move tan an rive sou Nouvèl Olean 7 tan jou pou jou depi vil la te sibi move konsekans pasaj yon lòt siklòn ki te fè anpil dega e koze plizyè mò nan vil la, an palan de Siklòn Katrina.

Malgre konsèy otorite yo bay rezidan yo pou yo deplase –sitou sila yo k ap viv nan zòn ki swadizan ekspoze yo-- anpil moun montre yon atitid ki fè wè y ap fè fas ak menas la avèk anpil konfyans; ou ka wè konfyans sa a nan trankilite ki nan konpòtman yo. Stephen Patterson, se pwopriyetè yon bar-restoran nan Nouvèl Oleans. Misye Patterson deklare -nap site:

“Nou te pase pa la deja; alòs, fwa sa a nou pa tèlman genyen gwo kè-sote; epi, tankou moun ka wè sa a, baraj yo yon ti jan pi solid jounen jodi a e restoran nou an kapab reziste pi byen. Kidonk, nou byen prepare pou tanpèt la.”

Otorite nan kèk eta vwazen, tankou Alabama ak Mississippi, pran menm dispozisyon ak kòlèg yo nan Lwizyàn: Yo dekrete yon eta dijans pou yo kapab fè fas ak tout pwoblèm siklòn nan kapab poze nan eta sa yo.
XS
SM
MD
LG