Accessibility links

Konvansyon Nasyonal Repibliken: Ofisyèl yo Anile Divès Aktivite akoz Tanpèt Twopikal Isaac

  • Ekip Sèvis Kreyòl VOA

Ozetazini, responsab pati repibliken an predi yon konvansyon a siksè pou chwazi ofisyèlman Kandida pati a pou eleksyon prezidansyèl yo nan vil Tampa nan eta Florid malgre yon gwo tanpèt twopikal ap pwoche e fòse responsab yo anile divès aktivite ki te dwe dewoule lendi 27 out la.

Konvansyon sa a ki te dwe dire 4 jou pou chwazi ofisyèlman ansyen gouvenè Eta Massachussetts Mitt Romney ak kandida pou pòs vis prezidan an, Paul Ryan pou fè fas a Prezidan sòtan an, Barack Obama ak Joe Biden nan eleksyon mwa novanm nan desann a 3 jou. Msye Romney ki nan mezon vakans li nan eta New Hampshire gen pou l pwononse diskou akseptasyon ni an jedi k ap vini an.

Tout detay pou Konvansyon Nasyonal repibliken an te planifye depi plizyè mwa davans pou bay msye Romney ak pati a an jeneral pi gwo bourad posib. Prezidan komite nasyonal Repibliken an, Reince Priebus di Isaac pa pral deraye rankont sa a.

Wè pa wè Konvansyon an ap fèt kan mènm. Nou pral fè travay nou nan Konvensyon nasyonal Repibliken an. Nou pral chwazi Mitt Romney ak vis prezidan an Paul Ryan. Nou pral gen yon bon tan nan Tampa.

Msye Priebus te pale nan pwogram Fox News dimanch 26 out la. Li deklare aktivite jodi lendi a nan konvansyon an anile pou asire sekirite patisipan yo e nou paka eklate posibilite pou nou pote plis chanjman si sa nesesè .

Vrèman vre nou pral prann jan l vini an. Nou pral trè abil, nou pral fè sa ki bon. Sekirite anvan tou. Konvansyon nasyonal se premye opòtinite pou prensipal pati politik yo delivre mesaj yo bay elektè yo e enfliyanse opinion piblik. Yo konsidere yo kòm patikilyèman enpòtan pou efò yon pati politik fè pou l entwodwi yon kandida prezidansyèl sou estrad nasyonal la.

Gouvènè eta Virjini an, Bob McDonnell se youn pami anpil repibliken ki gen pou pran lapawòl devan delege yo. Li te patisipe nan pwogram “This Week” sou chèn televizyon ABC. Msye McDonnell predi konvansyon an pral regwoupe pati a e ogmante apèl li bay pèp ameriken an.

Elektè endepandan yo pral kòmanse ajiste yo kounye a e yo vle wè e tande Mitt Romney ak Paul Ryan pale. Donk mwen panse nou pral toujou genyen yon kantite atansyon rezonab e mesaj la pral bon.

Demokrat yo pral chwazi Prezidan Barack Obama pou yon 2 zyèm manda sou pouvwa-a semèn pwochèn-nan, nan Kawolinn di Nò.
XS
SM
MD
LG