Accessibility links

Breaking News

Sid Afganistan: Daprè Otorite yo, Taliban yo koupe tèt 17 Sivil Afgan


Nan sid Afganistan, otorite yo fè konnen Taliban yo koupe tèt 17 sivil afgan.

Nan pwovens Helmand otorite yo di militan yo touye 15 gason ak 2 fanm nan komin Musa Qala byen ta dimanch 26 out la akoz gwoup la te òganize yon pati mix ki te gen ni gason ni fi ak mizik epi te gen danse---aktivite ke Taliban yo pa apwouve.

Kèk èd-tan aprè koupe tèt la, Rebèl Taliban yo te anvayi yon avan-pòs lame Afganistan nan komin Washir nan Helmand nan yon atak yo lanse anvan douvanjou---10 sòlda afgan pèdi lavi yo.

Yon pòtpawòl gouvènman lokal la di 4 sòlda blese nan atak la. Li ajoute 5 sòlda pati avèk taliban yo. Li pako klè si sòlda ki ale ak taliban yo se kidnape yo kidnape yo oubyen si yo ale ak pwòp volonte yo.
XS
SM
MD
LG