Accessibility links

Breaking News

Etazini - Eleksyon : “Sispann Envante, Sispann Fabrike Sa k pa Egziste“, Mesaj Prezidan Obama pou Mitt Romney


Prezidan ameriken an, Barack Obama, voye yon mesaj bay opozan Pati Repibliken an mete an fas li nan kous a la prezidans la --an palan de ansyen gouvènè Eta Massachusetts la, Mitt Romney-- pou l di misye li pa kapab ap envante, ap fabrike bagay yo.

Pandan Misye Obama tap fè yon rankont tou kout ak laprès nan La Mezon Blanch lendi 20out 2012 la, li di akizasyon misye Romney pote pou l di prezidan an elimine obligasyon Leta te fè moun kap resevwa asistans sosyal yo pou yo chache travay pandan yo nan wèlfè, se yon manti tou senpleman.

An menm tan tou, Misye Obama repete apèl li te lanse pou l mande Misye Romney mete devan piblik ameriken an plis dosye ki montre li te peye taks li, li te peye « impots sur le revenu ».

Daprè sa Prezidan Obama di, lavi moun k ap chache pran chèz boure a nan La Mezon Blanch, se yon liv ouvè ; e nesesite pou yon kandida mete dosye taks li deyò pou tout moun wè, tounen yon obligasyon pandan kanpay elektoral la.
XS
SM
MD
LG