Accessibility links

Chin - Jistis: Kandanasyon Amò Madanm yon Ansyen Om Politik pou Asasina

  • Ekip Sèvis Kreyòl VOA

Nouvèl ki sòti nan Lachin fè konnen yon tribinal deside yon kondanasyon amò kont madanm yon ansyen chèf pati kominis la, Bo Xilai -ki tonbe an disgras--- pou asasina yon òmdafè britanik.

Non kondane a se Gu Kailai e pwosè a te dewoule nan vil Hefei kote tribinal la deside otorite yo pap egzekite lòd pèn kapital la pazavan 2 zan, paske madam Gu te konfese, nan dat 9 out pase a, se li menm vrèman ki te anpwazonnen òm dafè a poutèt yon tranzaksyon kòmèsyal pat debouche sou rezilta manmzèl te vle a.

Non viktim nan se Neil Heywood. Nouvèl la kontinye pou di desizyon otorite yo pran pou yo ranvwaye egzekisyon pèn de mò a, vle di yo byen kapab chanje vèdik sa a an prizon a vi si kondane a pa komèt okenn vyolasyon lalwa pandan 2 zan kap vini la yo.

Yon anplwaye Madam Gu, ki te ede l nan konplo pou asasine Misye Heywood la, kondane pou l pase 9 lane nan prizon
XS
SM
MD
LG