Accessibility links

Reyinyon Lidè Palman Ayisyen an sou Chwa Reprezantan yo nan KEP a

  • Ekip Sèvis Kreyòl VOA

Ann Ayiti, prezidan Asanble Nasyonal la, Senatè Simon Dieuseul Desra, di l ap konvoke palmantè yo pou yo diskite sou fason yo pral chwazi reprezantan yo gen pou voye nan Konsèy Elektoral Pèmanan an.

Pou kòmanse, Misye Desra fè konnen li menm ak Prezidan Chanm Depite a pral rankontre vandredi 17 out 2012 la pou yo prepare reyinyon ann asanble nasyonal la.

Nap raple yon mezantant te pete ant palman an ak prezidans la, paske 2 pati yo pat ka antann yo sou kesyon pou konnen ki kalte konsèy elektoral peyi a dwe genyen jounen jodiya: pwovizwa ou pèmanan.

Konfli a vin agrave depi gouvènman Maretlly-Lamothe la te pran desizyon, nan mitan semèn nan, pou l enstale yon nouvo konsèy elektoral pèmanan san reprezantan palman an. Divès sektè leve lavwa pou denonse aksyon inilateral sa a.
XS
SM
MD
LG