Accessibility links

Ayiti: Senatè Desra Dieuseul Simon Konseye Dyalòg kòm Solisyon Kriz Elektoral la

  • Ekip Sèvis Kreyòl VOA

Prezidan asanble nasyonal la, Senatè Simon Dieuseul Desra, ekri Prezidan Michel Martelly yon lèt pou fè l konnen palman an pa an mezi pou li voye reprezantan l nan fòmasyon konsèy elektoral pèmanan an.

Misye Desra mande lidè ayisyen an negosye ak tout pati konsène yo sou fòmasyon konsèy la. Bò kote pa l, Prezidan Martelly di li kòmanse fè dyalòg ak sektè konsène yo; men Ayiti pral gen yon konsèy elektoral pèmanan kanmèm, jan konstitisyon an mande l la.

Yon lòt kote, Evans Paul, pòtpawòl kowalisyon politik “Alternative”, di si gouvènman an ensiste pou l fè eleksyon anvan fen ane sa a, l ap plonje peyi a nan yon kriz.

Anfen pwofesè relasyon entènasyonal, Jean Robert Simonise, deklare eleksyon se yon bagay ki trè posib anvan fen ane a, men se a kondisyon ke gouvènman an konfye operasyon an nan men yon ekip konpetan e eksperimante.

Klike sou ikon ki agoch la pou w swiv yon repòtaj konplè VOA Kreyòl sou dosye kreyasyon konsèy elektoral la ann Ayiti.
XS
SM
MD
LG