Accessibility links

Ameriken ap Selebre 236èm Anivèsè Pwoklamasyon Endepandans Lèzetazini

  • Ekip Sèvis Kreyòl VOA

Ameriken yo ap selebre, mèkredi 4 jiyè 2012 la, 236èm anivèsè deklarasyon endepandans peyi yo nan yon pwoklamasyon ki te mete fen ofisyèlman nan egzistans 13 koloni kòm yon pati nan kouwòn britanik la.

Plizyè dizèn milyon moun ki rete nan ti vilaj ou ki abite nan gwo vil Ozetazini pral swiv parad, gade fedatifis, patisipe nan piknik, konsè ak reyinyon familyal. Nan Washington, plizyè santèn milye espektatè pral reyini sou yon gwo plas piblik yo rele “National Mall” la pou yo asiste yon konsè k ap pase nan televizyon atravè tout peyi a anvan yo asiste yon gwo kokenn egzibisyon fedatifis.

Prezidan Barack Obama pral rann manm lame amerikèn nan yon omaj espesyal nan La Mezon Blanch nan okazyon 4 jiyè a avek yon pikniki kote envite yo pral patisipe nan yon “barbecue”, nan dives kalite jwèt epi asiste yon konsè òkès marin prezidansyèl la ap prezante.

An plis de sa, pititfi prezidan an, Malia, ap selebre 14èm anivèsè li nan menm jounen 4 jiyè a ; men okenn nòt ofisyèl pa di si li pral patisipe nan festivite k ap make fèt endepandans la.
XS
SM
MD
LG