Accessibility links

Kou Siprèm Lèzetazini an Pral Anonse Desizyon n Sou Refòm Sistèm Swen Sante Ameriken an

  • Ekip Sèvis Kreyòl VOA

Kou Siprèm Lèzetazini an (pi gwo tribinal peyi a) genyen pou l anonse jedi 28 jen 2012 la (vè 10 zè di maten, lè Washington ak lè Pòtoprens) desizyon li sou legalite yon pwojè-lwa sou refòm nan sistèm swen-sante ameriken an, yon pwojè-lwa administrasyon Obama a ap fè presyon pou Kongrè a vote. Sa pa jodiya moun ap tann pou Kou Siprèm nan pwononse l sou dosye sa a.

Yon pati nan lejislasyon an ki jwenn anpil atansyon nan men 9 manm Kou Siprèm nan, se pati ki fè tout ameriken obligasyon pou yo genyen asirans sante anvan fen ane 2014, sinon otorite yo ap ba yo yon pèn legal. Moun ki pa dakò ak pwojè-lwa sa a fè konnen li pa konstitisyonèl, paske gouvènman an ap fòse sitwayen yo achte yon pwodui yo byen kapab pa vle achte.

Sepandan, moun ki dakò ak dokiman an reponn pou di asirans sante obligatwa a se yon bagay ki nesesè, paske li kapab ogmante kantite moun kap benefisye swen-sante nan peyi a.
XS
SM
MD
LG