Accessibility links

Frans: Pati Sosyalis la Konsolide Pouvwa li avèk yon Majotite nan Asanble Nasyonal la

  • Ekip Sèvis Kreyòl VOA

An Frans, Pati Sosyalis prezidan François Hollande la ranpòte yon majorite solid nan asanble nasyonal la nan 2èm tou eleksyon palmantè ki dewoule dimanch 17 jen 2012 la.

Blòk sosyalis la ranpòte 314 syèj sou yon total 577 –swa plis syèj lontan pase 289 ki nesesè pou yon pati genyen majorite a.

UMP (pati konsèvatè ansyen prezidan Nicolas Sarkozy a) ranpòte 191 plas, tandiske pati anti-imigran an, Fron Nasyonal la --ki gen nan tèt li Marine Le Pen e ki te vini an 3èm pozisyon nan premye tou eleksyon an-- ranpòte 2 syèj sèlman.

Madam Le Pen pèdi kous pou yon plas nan asanble a ; advèsè ki bat li a genyen 118 sèlman an plis manmzèl.
XS
SM
MD
LG