Accessibility links

Fòs Zame Revolisyon Kolonbi yo Libere 10 Otaj

  • Ekip Sèvis Kreyòl VOA

Fòs Zame Revolisyon Kolonbi yo (FARC) libere 10 otaj yo te kenbe nan jeng la depi plis pase yon dizèn lane. Yon elikoptè Fòs avyasyon peyi Brezil ak Logo Lakwa Wouj transpòte lendi 2 avril la 4 sòlda e 6 polisye soti nan jeng la .

Yo sanble te an bòn sante nan moman yo tap salye fanmi yo nan Villavicencio anvan yo monte nan avyon pou yo ale nan kapital kolonbyènn, Bogota. FARC te pwomèt pou libere otaj yo nan mwa fevriye 2012 la.

Gwoup rebèl la presize 10 otaj sa yo, se dènye polisye ak militè kite anba men yo. Prezidan kolonbyen an, Juan Manuel Santos, di liberasyon prizonye sa yo reprezante yon etap pozitiv.

Mesye Santos di : « apre tout konsiderasyon , liberasyon sa a , pwomès FARC pou l pa tounen nan aktivite kidnaping , se yon jès nou apresye. Nou apresye l nan tout dimansyon l. San okenn dout, se yon pa nan bòn direksyon an , yon pa vrèman enpòtan. »
Sepandan prezidan Santos te di , gouvènman an pa pral negosye avèk FARC jiskaske li kanpe ak zak kidpaping yo e libere tout prizonye yo .
XS
SM
MD
LG