Accessibility links

Breaking News

Bimani-Demokrasi: Aung Sang Suu Kyi di: “Eleksyon Lejislatif yo Pap Lib Ditou”


Sekretèdeta ameriken an, Hillary Clinton –k ap vizite Bimani depi mèkredi- fè yon rankont ak lidè mouvman demokratik peyi sa a, Aung Sang Suu Kyi, nan vil Rangoon, vandredi 2 desanm nan
Nan Birmani, lidè mouvman k ap mande demokrasi nan peyi-a, Aung Sang Suu Kyi, fè konnen eleksyon lejislatif ki pral dewoule dimanch la, se deja yon echèk, akoz tout iregilarite ki make kanpay electoral la.

Daprè Madam Suu Kyi, ki se yon loreya Pri Nobèl Lapè e ki pale ak laprès nan vil Rangoon sou dosye eleksyon an, deja gen ensidan kote moun voye kout wòch sou kandida opozisyon an, ki sibi tou lòt kalte zak endimidasyon.

Madam Suu Kyi di:

“Tankou mwen deja di sa a, mwen pa kwè nou ka konsidere eleksyon sa a kòm yon vrè eleksyon, yon eleksyon ki lib e onèt, si nou pran an konsiderasyon sa ki fèt nan 2 dènye mwa yo. Men malgre sa, kòm nou vle travay pou demokrasi ak rekonsilyasyon nasyonal, nou pral eseye tolere sa k deja pase a, e nou espere kouraj ak fèm volontè pèp la pral pi fò pase zak kraponnay yo ak tout lòt iregilarite k ap fèt yo.”

Chèf mouvman demokratik la nan Bimani kontinye pou l di magouy sa yo depase sa yon moun kapab aksepte nan yon eleksyon demokratik; men li menm ak pati l la (Lig Nasyonal pou Demokrasi a) gen bon dispozisyon pou yo pouse pou pi devan.
XS
SM
MD
LG