jedi 17 avril 2014, 07:41 GMT

Nouvèl

14 Me 2011 - 14 Me 2012: Michel Martelly Ap Fete yon Lane sou Pouvwa a

Prezidan Michel Martelly prete sèman - 14 me 2011Prezidan Michel Martelly prete sèman - 14 me 2011
x
Prezidan Michel Martelly prete sèman - 14 me 2011
Prezidan Michel Martelly prete sèman - 14 me 2011
Dimansyon Lèt yo - +
Nan okazyon premyè anivèsè Prezidan Michel Martelly sou pouvwa a, lidè ayisyen an lanse yon apèl pou li mande konkou tout sektè nan travay pou chanje peyi a nan yon sans pozitif. Nan yon rankont ak laprès pandan wikenn nan, Misye Martelly abòde kèk nan reyalizasyon prezidans li a pandan 12 mwa ki pase yo. Pami reyalizasyon sa yo genyen, antwòt:
-Nominasyon yon prezidan pou Kou Kasasyon an (pi gwo tribinal peyi a) ki te pase lontan ap fonksyone san yon alatèt;
-Plizyè milye timoun ki ale lekòl pou la premyè fwa avèk frè Leta e gras ak yon pwogram prezidans la mete sou pye avèk konkou Dyaspora a;
-Epi dispozisyon Leta ayisyen pran pou l asoupli fòmalite ki nesesè pou yon anteprenè (etranje kou ayisyen) ouvè biznis ann Ayiti. 
Yon lòt kote, Chanm Bas palman ayisyen an ap resevwa lendi 14 m e 2012 la Premye Minis Laurent Lamothe nan yon sesyon kote nouvo chèf gouvènman an genyen pou l prezante politik jeneral li. Seyans sa a te dwe dewoule vandredi 11 me pase a; men li te ranvwaye paske pat genyen kowòm, sètadi kantite palmantè ki te dwe la pou l fèt la, pat prezan jou sa a. Nap raple seyans lendi a, si l fèt, ap dewoule sou dènye jou sesyon nòmal lachanm nan, paske depite yo pral antre an vakans madi 15 me a. Apre sa pou yo reyini, se pou Prezidan Repiblik la konvoke palman an a lekstwòdinè.

Swiv nou sou rezo sosyal yo