WASHINGTON, DC —
Kore di Sid ak Japon jwenn yon akò sou yon konfli istorik ki gen rapò ak yon pakèt fi koreyèn lame lanpi japonè a te swadizan fòse fè pwostitisyon pandan 2èm Gè Mondyal la. Yo te ba fi sa yo ti non jwèt "fanm ki bay konsolasyon".
Minis afè etranjè sid-koreyen an Yun Byung-Se fè yon deklarasyon sou dosye a lendi 28 desanm 2015 la apre yon rankont ak tokay japonè li a, Fumio Kishida -rankont kote l Misye Yun akò sa a kapab final menm si li pa kapab fòse Japon pran responsabilite li, ni respekte kondisyon yo.
Antant la prevwa yon dedomajman 8 milyon 300 mil dola pou granmoun aje ki te sèvi kòm esklav seksyèl yo ak yon ekskiz Premye Minis japonè a, Shinzo Abe, ap prezante bay peyi Kore di Sid.