WASHINGTON DC —
Nan yon entèvyou ak anvwaye espesyal nou nan New York, Jacquelin Bélizaire, kowòdonatè espesyal Depatman Deta pou Ayiti, Anbasadè Kenneth Merten, prezante pozisyon Lèzetazini sou plizyè pwen kap domine aktyalite a tankou pwosesis elektoral la ak kriz migratwa ant Ayiti ak Repiblik Dominikèn.
Dapre Misye Merten, Washington apiye pwosesis elektoral la menmsi li rekonèt vòt 9 out 2015 la pat dewoule san iregilarite. Anbasadè Merten, ki se an menm tan Sou-Direktè biwo Zafè Amerik yo nan Depatman Deta a, presize Washington rekonèt dwa Repiblik Dominikèn pou l regle kesyon imigrasyon lakay li; sepandan, otorite dominiken yo dwe respekte dwa entènasyonal ak konvansyon ki reji kesyon an.