Accessibility links

Breaking News

Gwoup Eta Islamik la Kontinye Vale Teren nan Siri


Nan pati nò peyi Siri, militan Gwoup Eta Islamik yo kontinye fè pwogrè vandredi 22 me 2015 la: yo mete men sou yon lopital kote sòlda gouvènman yo tap sibi atak sou atak depi plizyè semèn.

Obsèvatwa Dwamoun Siryen an --ki baze nan peyi Langretè-- fè konnen gwoup militan al-Nusra, ki se yon afilye rezo al-Kayda a, gen kounyela a yon kontwòl total sou lopital la ki sitiye ozalantou yon vil ki rele Jisr al-Shou-ghour.

Plizyè douzèn sòlda kap defann gouvènman an ak divès lòt moun te rete bloke anndan sant ospitalye a depi fen mwa davril la. Moun poko konnen sa k rive yo, menm si militan al-Nusra yo ekri sou kont Twitter yo pou di sòlda yo nan kouri e yap rapousuiv yo.

XS
SM
MD
LG