WASHINGTON DC —
Prezidan ayisyen an, Michel Martelly, envite paran, pwofesè ak elèv yo travay ansanm pou ane eskolè 2014-2015 lan kapab yon siksè. Mesye Martelly, ki t ap pale nan okazyon ouvèti lekòl la, di gouvènman an gen plizyè pwogram pou ede paran ki gen difikilte ekonomik.
Sou plan politik, msye Martelly di li pa gen pwoblèm rankontre ak gwoup 6 senatè ki poze kondisyon avan yo amande lwa elektoral la. Chèf leta a mande senatè yo pran responsabilite yo pou rezoud kriz elektoral la.