lendi 28 jiyè 2014, 16:23 GMT

Nouvèl / Entènasyonal

Rapò Nasyon Zini sou Atak Militan Rebèl nan Afganistan pandan Ane 2012 la

x
Ekip Sèvis Kreyòl VOA
Nasyonzini fè konnen atak rebèl yo te lanse sou anplwaye leta nan Afganistan te sibi yon ogmantasyon 700 pou san pandan ane 2012 la, alòske atak sou sivil yo te diminye pou lapremye fwa nan 6 zan.

Nan yon rapò Misyon Nasyonzuni nan Afganistan an (UNMA) pibliye chak ane sou dosye a, li di 2 mil 754 fonksyonè gouvènman an te mouri nan atak sa yo ane pase.

Misyon an konsidere kòm twoublan asasina sible direktè jeneral ak sou-direktè jeneral Depatman Zafè Fanm nan nan mwa jiyè ak mwa desanm 2012.

Daprè rapò a, rebèl yo responsab lanmò 81 pou san kantite sivil ki te pèdi lavi yo nan ane 2012 la, tandiske 8 pou san te tonbe anba men fòs l’OTAN yo ak lame afgan an.

Rapò sa a atire atansyon sou le fèt ke rès viktim sivil yo (swa 11 pou san) te tonbe anba men swa rebèl yo, swa twoup kowalisyon entènasyonal la oubyen ankò anba men sòlda afgan.
Fowòm sa a fèmen
Kòmantè
     
Poko gen kòmantè sou fowòm nan. Si ou vle, ou ka tounen premye moun ki kòmante sou li.

Swiv nou sou rezo sosyal yo