dimanch 21 desanm 2014, 09:24 EDT

Nouvèl / Entènasyonal

Irak: Esplozyon nan Bagdad ak Pwovens Hillah. Bilan: 26 Moun Mouri

x
Ekip Sèvis Kreyòl VOA
Nan Irak, otorite yo fè konnen yon seri de bonm ki eksploze nan Bagdad e nan yon vil ki o-sid kapital la koze lanmò 26 moun omwen.

Eksplozyon Bagdad yo --ki fèt youn aprè lòt nan yon mache kote yo vann bèt domestik-- frape sitou Kazimiya, yon katye kote majorite moun yo se irakyen ki sòti nan ras chiyit la.

Bilan: plis pase yon douzèn moun pèdi lavi yo. Sa rive pandan mache a te chaje ak achtè ki tap fè makèt pou tout yon semèn.

Yon lòt atak dewoule nan yon ti vil ki rele Shamali, nan pwovens Hillah, o-sid Bagdad, kote 2 eksplozyon fèt preske an menm tan nan yon mache ki te plen aktivite. 13 moun pèdi lavi yo.
Fowòm sa a fèmen
Kòmantè
     
Poko gen kòmantè sou fowòm nan. Si ou vle, ou ka tounen premye moun ki kòmante sou li.

Swiv nou sou rezo sosyal yo