samdi 25 oktòb 2014, 23:36 EDT

Nouvèl / Entènasyonal

Larisi Denonse Atak Lame Izrayèl ta Lanse nan Siri

x
Ekip Sèvis Kreyòl VOA
Larisi di akizasyon kòmkwa Izrayèl ta lanse plizyè atak sou teritwa peyi Siri a, se yon  bagay kli ba li gwo preokipasyon.

Ministè afè etranjè ris la di, si aksyon konsa verifye, yo ta reprezante aktak inilateral sou yon peyi souvren e se t ap yon vyolasyon chat Nasyonzini an.

Daprè nouvèl depaman ki te parèt mèkredi 30 janvye 2013 la sou atak ayeryen yo, otorite siryen yo deklare avyon degè izrayelyen te tire sou yon enstalasyon kote rechèch militè ap fèt tou pre kapital Siri a, Damas, kote 2 moun mouri.

Laprès ann  Izrayèlyen e nan peyi oksidantal yo rapòte Izrayèl lanse yon lòt zòn tou pre fwontyè Siri ak Liban.

Daprè menm sous yo toujou, atak sa a te vize yon konvwa ki tap fè livrezon pyès pou misil ki ta pral jwenn Ezbola, yon gwoup milisyen chiyit ki se ennmi fawouch Izrayèl e ki baze nan Liban.
Fowòm sa a fèmen
Kòmantè
     
Poko gen kòmantè sou fowòm nan. Si ou vle, ou ka tounen premye moun ki kòmante sou li.

Swiv nou sou rezo sosyal yo