vandredi 24 oktòb 2014, 10:39 EDT

Nouvèl / Entènasyonal

100 Lòt Peyi Rekonèt Nouvo Opozisyon Siryèn nan Kòm Reprezantan Lejitim Siri

x
Ekip Sèvis Kreyòl VOA
Yon gwoup plis pase 100 peyi, kap mande prezidan Siryen an, Bashar al-Assad, kite pouvwa a, pran desizyon pou yo rekonèt ofisyèlman yon kowalisyon opozisyon  ki fèk fòme, kòm reprezantan lejitim pèp siryen an.

Yon lòt kote, yon ofisyèl ameriken wo plase pale pou l di, sa pa gen lontan, gouvènman siryen-an te sèvi ak misil skud pou l atake militan rebèl yo. Pa gen okenn siyn ki ta montre misil sa yo te genyen zam chimik ladan yo.

Pi bonè nan semèn nan Prezidan ameriken an, Barack Obama, te anonse Etazini rekonèt ofisyèlman nouvo kowalisyon opozisyon siryèn nan kòm sèl reprezantan lejitim pèp siryen an.

La Mezon Banch te fè anons la aprè plizyè mwa kote Misye Obama ak lòt otorite ameriken te pran anpil swen pou yo evalye kapasite ak konpozisyon opozisyon siryèn nan, epi chache wè si genyen bon jan antant ant manm nouvo kowalisyon an ki te fòme nan peyi Katar nan mwa novanm pase a.

Prezidan Obama te anonse desizyon an nan yon entèvyou li bay jounalis Chèn Televizyon ABC Barbara Walters.
Fowòm sa a fèmen
Kòmantè
     
Poko gen kòmantè sou fowòm nan. Si ou vle, ou ka tounen premye moun ki kòmante sou li.

Swiv nou sou rezo sosyal yo