samdi 25 oktòb 2014, 02:15 EDT

Nouvèl / Entènasyonal

Ejip: Rankont ant Prezidan Mohamed Morsi ak Jeneral an Chèf Lame a sou Kriz Politik la

x
Ekip Sèvis Kreyòl VOA
Nan peyi Lejip, Jeneral an chèf lame a, Abdel Fattah al-Sissi, ap òganize yon chita pale nan yon efò pou jwenn yon antant ant Prezidan Mohamed Morsi, ki gen apui Islamis yo, ak opozisyon relijye peyi a.

Jeneral la pwograme rankont la nan moman yon referandòm sou yon nouvo konstitisyon lage divizyon pami sitwayen ejipsyen yo.

Gwoup Islamis la apiye referandòm Prezidan Morsi ap fè oganize sou konstitisyon an, alòske Fwon Sali Nasyonal la, ki gen apui liberal yo ak relijye yo, pa dakò ak aksyon gouvènmantal sa a. 

Medya leta ejipsyen yo di anviwon 589 mil manm dyaspora a kòmanse vote sou referandòm nan depi mèkredi 12 desanm nan, nan anbasad ak konsila peyi a genyen aletranje. Ann Ejip, vòt la ap kòmanse Samdi.

Plizyè relijye ejipsyen pè pou pwojè-konstitisyon an pa gen move konsekans sou libète sivil yo paske li ranfòse lwa Islamik yo san li pa pale, pa egzanp, de dwa medam yo.

Yon asanble konstityant te apwouve dokiman an mwa pase a apre manm liberal ak kretyen antite sa a te wete kò yo ladan n paske, dapre yo, Islamis yo pat vle tande vwa lòt sektè yo.
Fowòm sa a fèmen
Kòmantè
     
Poko gen kòmantè sou fowòm nan. Si ou vle, ou ka tounen premye moun ki kòmante sou li.

Swiv nou sou rezo sosyal yo