samdi 01 novanm 2014, 07:25 EDT

Nouvèl / Entènasyonal

Meksik; Efò Prezidan Calderon pou Chanje non Peyi a

x
Ekip Sèvis Kreyòl VOA
Nan peyi Meksik, Prezidan Felipe Calderon ap mete dènye men nan yon pwopozisyon ki ta kapab pèmèt yo chanje non peyi a anvan li kite pouvwa nan 8 jou.

Non ofisyèl Meksik se “Los Estados Unidos de Mexico” sa vle di an kreyò “Etazini Meksik“ men moun preske pa itilize non sa a, eksepte nan kèk dokiman ofisyèl.

Jedi 22 novanm nan, Prezidan Calderon siyen yon pwopozisyon refòm konstitisyonèl ki mande eliminasyon non peyi a te adopte depi nan ane 1824.

Sa preske gen 10 zan depi Mesye Calderon ap fè demach pou yo rele peyi a “Meksik” tou senpleman.

Li presize:
"Nonu bay peyi nou pa dwe kontinye sanble ak non lòt peyi, jan sa te fèt nan 19e syèk la."

Refòm konstitisyonèl pou chanje non Meksik la dwe jwenn apwobasyon majorite a nan 2 chanm palman peyi a.
Fowòm sa a fèmen
Kòmantè
     
Poko gen kòmantè sou fowòm nan. Si ou vle, ou ka tounen premye moun ki kòmante sou li.

Swiv nou sou rezo sosyal yo