samdi 20 septanm 2014, 15:59 GMT

Nouvèl / Lèzetazini

12 Novanm 2012: Veterans’ Day ou Jou Veteran Lagè Ozetazini

Prezidan ameriken an, Barack Obama, ap depoze yon jèb flè sou tonm Sòlda Enkoni an, nan Simtyè Nasyonal la nan vil Arlington, Eta Virjini, 11 novanm 2011. (Reuters)Prezidan ameriken an, Barack Obama, ap depoze yon jèb flè sou tonm Sòlda Enkoni an, nan Simtyè Nasyonal la nan vil Arlington, Eta Virjini, 11 novanm 2011. (Reuters)
x
Prezidan ameriken an, Barack Obama, ap depoze yon jèb flè sou tonm Sòlda Enkoni an, nan Simtyè Nasyonal la nan vil Arlington, Eta Virjini, 11 novanm 2011. (Reuters)
Prezidan ameriken an, Barack Obama, ap depoze yon jèb flè sou tonm Sòlda Enkoni an, nan Simtyè Nasyonal la nan vil Arlington, Eta Virjini, 11 novanm 2011. (Reuters)
Ozetazini, Prezidan Barack Obama patisipe, dimanch 11 novanm nan,  nan seremoni ki komemore Jou Veteran Lagè (Veterans Day) ou ankò fèt konbatan lame amerikèn nan. Nan okazyon an, Misye Obama voye remèsiman li bay tout militè ameriken (prezan e pase) pou sèvis yo rann peyi a. Lidè ameriken an deklare –nap site:

 “Nan okazyon jounen sa a, nou rèmèsye tout manm lame nou an ki te patisipe nan tout lagè nou yo, non sèlman pou sèvis yo rann peyi nou an, men poutèt yo fè nou sonje poukisa Lèzetazini se pi bon peyi sou latè e lap toujou rete pi bon peyi sou latè.”

Anvan Prezidan Obama te pwononse yon diskou de sikonstans nan okazyon Jou Veteran yo dimanch 11 novanm nan, li t al depoze yon jèb flè sou tonm Sòlda Enkoni an tou prè Washington D.C. Jou ansyen konbatan yo te tounen yon jou ferye Ozetazini lè Ameriken yo te kòmanse obsève Jou Amistis la nan ane 1919.

Lezetazini ak alye li yo te deklare yon amistis, swa yon trèv, avèk Lalmay pou mete fen nan premyè gè mondyal la ane anvan an (sètadi an 1918), a 11 zè di maten, sou 11èm jou 11èm mwa a. An jeneral, yo selebre Jou Veteran yo Ozetazini le 11 novanm chak ane; men kòm dat la tonbe yon dimanch ane sa a, gouvènman an fè obsève jou ferye a lendi 12 novanm nan.

La Grand Bretay make anivèsè sa a tou nan okazyon sa britanik yo rele “Day of Remembrance” ou Jou Souvni , avek yon seremoni ki dewoule devan monuman Cenotaph la, nan vil Lond, kote Rèn Elizabeth ak lèt manm fanmi wayal la onore sitwayen peyi manm Commonwealth Britanik la ki te mouri nan lagè. Nan vil Pari, an Frans, Prezidan Francois Hollande make jounen an ak yon seremoni kote li depoze yon jèb flè devan Arc de Triomphe la pou onore fransè ki te mouri nan lagè peyi a te livre.

Swiv nou sou rezo sosyal yo