Abitan yon lokalite touprè Ti Gwav poze arestasyon yon nèg ki t ap transpòte dwòg sou yon cheval e yo sezi anviwon 4 sak marijuana.
Jij de pè Jean Michel Jean-Victor di Lavwadlamerik finalman lapolis mete men sou sispèk la e otorite yo deja lanse yon ankèt.
Yon lòt kote, yon òganizasyon jèn sou Zile Lagonav kritike yon pwogram gouvènman an mete sou pye pou ede jèn yo “pi byen prepare avni yo”.
Daprè òganizasyon an, pwogram sa a sanble pa byen poze vrè pwoblèm jenès gonavyèn nan ap konfwonte.
Klike sou ikon ki agoch la pou w koute detay nouvèl sa yo avèk Montigène Sincère nan Ti Gwav epi Jean Raude Prezeau, nan Lagonav.