Accessibility links

Etazini-Politik : Prezidan Obama Rankontre ak Prezidan Eli Donald Trump

  • Ekip Sèvis Kreyòl VOA

Barack Obama (adwat) ak Donald Trump

Nan Washington, Prezidan Barack Obama fè konnen, nan mitan jounen jedi 10 novanm 2016 la, li te genyen “yon chita-tande ekselan e sou plizyè sijè” ak Prezidan eli ameriken an, Donald Trump. Chita-tande sa a dewoule nan La Mezon Blanch kote Misye Obama te resevwa Prezidan eli Lèzetazini an.

Prezidan Obama ak Prezidan eli Lèzetazini an, Donald Trump, nan Salon Oval Mezon Blanch la jedi 10 novanm 2016 la.

Prezidan Obama ak Prezidan eli Lèzetazini an, Donald Trump, nan Salon Oval Mezon Blanch la jedi 10 novanm 2016 la.

Pandan misye Obama tap pale nan Biwo Oval la, li ensiste pou l di premye priyorite li se fasilite yon tranzisyon pouvwa ki pase dous, san okenn pwoblèm. Bò kote pa l, Misye Trump ki te te pran lapawòl apre Prezidan Obama, deklare li atann li aske li rankontre Misye Obama plizyè fwa ankò e pou li “se yon gran onè.”

Anvan rankont la te dewoule, La Mezon Blanch te fè parèt yon kominike pou l di “Yon pasasyon pouvwa ki fèt trankilman repoze sou youn nan prensip fondamantal ki defini demokrasi amerikèn nan.”

Kominike a kontinye pou l di otorite ameriken yo vle pou Misye Trump ak ekip tou nèf ki pral dirije peyi a byen pare depi sou premye jou a pou yo pwoteje sekirite nasyonal Lèzetazini. Pandan Prezidan Obama tap rankontre ak Donald Trump la, Premyèr Dam nan, Michelle Obama, tap resevwa Madan Trump, Melania Trump, an prive nan yon lòt sal ofisyèl nan palè nasyonal Lèzetazini an.

XS
SM
MD
LG