Accessibility links

Sekretè Deta Ameriken an, Rex Tillerson, Ap Fè yon Toune sou Kontinan Azyatik yo

  • Ekip Sèvis Kreyòl VOA

Sekretè Deta Ameriken an, Rex Tillerson, pandan li tap desann avyon li. (Foto: Depatman Deta State. Flickr)

Sekretè Deta Ameriken an, Rex Tillerson, pandan li tap desann avyon li. (Foto: Depatman Deta State. Flickr)

Vizit Sekretè Deta, Rex Tillerson, an Azi Antre nan Kad Boukatay Lide Ant Lèzetazini ak Alye li yo nan Rejyon an

Sekretè Deta ameriken an, Rex Tillerson, deklare tout moun kapab wè klèman li nesesè pou yo jwenn yon lòt apwoch vizavi pwogram nikleyè peyi Kore di Nò a, apre echèk 20 tan efò diplomatik pou anpeche peyi sa a devlope zam nikleyè.

Pandan Mesye Tillerson te pran lapawòl jedi 16 mas 2017 nan Tokyo, kapital Japon kote li kòmanse premye vizit li kòm chèf diplomasi amerikèn nan. Li fè konnen yon pati nan rezon ki fè lap vizite rejyon an, se pou l fè yon boukantaj lide avèk otorite yo nan Japon, Kore di Sid ak Lachin sou mwayen pou yo avanse sou kesyon an.

Sekretè Deta a kontiye pou l di angajman Lèzetazini pou l defann Japon ak lòt alye li nan rejyon an, se yon angajman ki rete innebranlab. Samdi 18 mas la, Mesye Tillerson pral nan Lachinn, apre fin vizite Kore di Sid nan Vandredi 17 mas. Lachin se pral dènye etap toune Mesye Tillerson sou kontinan azyatik la. Pwogram vizit Sekretè Deta a nan Peken prevwa yon rankont ak Prezidan Si Jinping.

XS
SM
MD
LG