Accessibility links

Yon Jèn Solda Israelyen Kondane pou l Pase 18 Mwa nan Prizon

  • Ekip Sèvis Kreyòl VOA

Sòlda Israelyen Elor Azaria nan moman li tap pral tande desizyon tribinal militè peyi a ta pral pran kont li nan Tel Aviv, Israel, 21 fevriye 2017. (Foto: Jim Hollander, Pool, via AP)

Yon tribinal militè ann Israel kondane madi 21 fevrieye 2017 la yon jèn solda pou l pase 18 mwa nan prizon, sa ki mete fen nan yon jijman long ki te montre aklè divizyon ki gen nan sosyete peyi sa a.

Tribinal la kondane nan mwa Janvye pase a, Elor Azaria, ki gen 20 lane poutèt li te touye ak bal yon asayan Palestinyen ki te deja nan eta grav nan Sisjòdani, sa gen preske yon lane.

Ka istorik sa a te fè anpil moun nan piblik la fache ak enstitisyon ki gen plis respè nan peyi Israel ki se lame a. Nan yon aksyon ki pa fèt fasil, lame a kondane aksyon yon solda nan yon atak palestinyen. Anpil sitwayen òdinè sezi tande yon jèn Israelyen kap afwonte lènmi, te jwenn yo trennen l devan tribinal tankou nenpòt kriminèl.

Istwa a tanmen nan mwa Mas ane 2016 pase a nan bouk Hebron ki nan Bib la, lè 2 Palestinyen tap voye kout kouto sou twoup israelyen. Yon asayan te mouri anba bal, e lòt la te tonbe e pat ka fè okenn mouvman. 11 minit apre, solda Azaria te touye l ak yon bal nan tèt.

XS
SM
MD
LG