Accessibility links

Prezidan Barack Obama Lanse Apèl Bay Donald Trump pou Mande l Kanpe Djanm Devan Larisi


Prezidan ameriken an Barack Obama, agoch, ak Chanselye Alman Angela Merkel nan yon konferans pou laprès apre yon reyinyon nan chanselri a nan Bèlen, Almay, 17 novanm, 2016.

Prezidan Barack Obama pote yon mesaj mèkredi 17 Novanm 2016 pandan vizit li an Almay pou moutre ke inite ak kooperasyon Etazini ak kè Ewòp la ap kontinye. Li ensiste pou di Alman yo ak tout moun ann Ewòp Etazini pwal kontinye angaje l ak mond la.

Prezidan Obama deklare, "Alyans nou ak patnè nou yo nan l OTAN te toujou yon poto-kwen nan politik afè etranjè nou depi prèske 70 lane.”

Chanselye Alman Angela Merkel, adwat, nan moman li tap resevwa Prezidan Lèzetazini an Barack Obama pou yon reyinyon nan chanselri a nan Bèlen, 17 novanm, 2016.

Chanselye Alman Angela Merkel, adwat, nan moman li tap resevwa Prezidan Lèzetazini an Barack Obama pou yon reyinyon nan chanselri a nan Bèlen, 17 novanm, 2016.

Premye sitwayen ameriken an te pale nan yon konferans pou laprès ansanm ak Chanselye alman an Angela Merkel. Msye Obama chante lwanj Almay poutèt li te rete yon patnè fidèl sou sèn mondyal la.

Prezidan Obama lanse yon apèl bay prezidan ki pwal ranplase li a, Donald Trump, pou mande li kanpe djanm devan Larisi. Li di li swete Prezidan eli a pral pran yon “chemen konstriktif menm jan ak li”. Msye Obama eksplike ke nan chemen pa li a li te “antann ak Larisi nan domèn kote prensip ak enterè yo ale nan menm liy".

Prezidan Ameriken an Barack Obama lè li te rive nan Tegel ayewopò nan Bèlen, Almay, 16 novanm, 2016.

Prezidan Ameriken an Barack Obama lè li te rive nan Tegel ayewopò nan Bèlen, Almay, 16 novanm, 2016.

Lidè Etazini an te chwazi Almay kòm prensipal eskal li nan dènye vire-won li aletranje kòm prezidan. Peyi Almay se prensipal patnè Etazini nan ekonomi ak komès, yon manm enpòtan nan l OTAN, ki gen lakay li plizyè milye twoup militè ameriken.

XS
SM
MD
LG