Accessibility links

Etazini-Politik: Pati Repibliken an Pran Kontròl 2 Branch nan 3 Pouvwa Leta yo


Dapre resilta eleksyon 8 novanm yo, pati repibliken an gen nan men li non sèlman pouvwa ekzekitif la men tou yon bon pati nan pouvwa lejislatif la.

Prezidan eli Ameriken Donald Trump pral gen majorite nan tou le 2 chanm yo nan Kongrè a lè l monte nan pòs li nan mwa janvye k ap vini an, sa ki pwal ogmante chans pou l mete ann aplikasyon kèk gwo pwen nan pwogram pati Repibliken an.

Repibliken yo asire 51 syèj pou pi piti, e petèt yon afè 53 nan Sena a ki gen 100 manm, e omwen yon majorite 41 syèj nan Chanm Reprezantan an ki gen 435 syèj. Demokrat yo te parèt gen konfyans ke y ap pran majorite nan Sena a e yo te panse yo te gen chans batay ak espwa pou yo pran Chanm Reprezantan an.

XS
SM
MD
LG