Accessibility links

Lèzetazini Reyaji sou Arestasyon Plizè Manifestan Anti-Gouvènman Ris la nan Moskou

  • Ekip Sèvis Kreyòl VOA

Lapolis bloke manifestasyon sipòtè opozisyon an nan Moskou, Larisi, 26 mas 2017.

Lèzetazini kondane ak tout fòs li detansyon plizyè santèn manifestan sou tout teritwa Larisi a dimanch 26 mas 2017 la, pami yo lidè opozisyon an, Alexei Navalny. Plizyè dizèn milye ris te desann nan lari nan divès vil peyi a pou apiye yon apèl mesye Navalny lanse pou devwale aktivite klas lelit Larisi a ap mennen.

Òganizasyon OVD-INFO kap dokimante represyon politik nan Larisi a di sou sit entènèt li otorite yo poze a arestasyon plis pase mil sitwayen nan kad manifestasyon ki tap dewoule nan vil Moskou sèlman pandan dènye jou wiken pase a.

Jiskaprezan, poko genyen okenn verifikasyon endepandan sou kantite moun lapolis arete. Ajans nouvèl gouvènmantal TASS, ki site kèk sous polisyè, fè konnen yo arete anviwon 500 moun, pami yo chèf opozisyon an, Alexei Navalny.

XS
SM
MD
LG