Chèf bank santral la di ekonomi an amelyore ase pou l konsidere monte to enterè yo pandan kèk mwa kap vini yo.
Madam Yellen mansyone devan yon komisyon nan Kongrè a nan dat 14 fevriye 2017 la, li atann ke ekonomi an kontinye laji tou dousman.
Madam Yellen di si l tann twòp pou l ogmante to enterè yo, enflasyon an ka ogmante pou fè lavi a pi chè e sa ka fòse otorite federal yo monte to a byen vit nan lavni, sa ki ka domaje kwasans ekonomik la.