Accessibility links

Depatman Deta: 'Lese-Frape ant Opozan ak Patizan Prezidan Tirk la Devan Lamezon Blanch Se yon Vyolasyon Libète Dekspresyon'

  • Ekip Sèvis Kreyòl VOA

Yon lese-frape vyolan eklate ant patizan prezidan tirk la ak gwoup, ki an favè Pati Travayè Kirdistan an devan Lamezon Blanch. 2 gwoup yo twoke kòn yo pandan Prezidan ameriken an, Donald Trump tap resevwa premye sitwayen tirk la, Recep Tayyip Erdogan, nan Washington 16 me 2017.

Depatman Deta Etazini fè konnen li pwal eksprime sa ki pa fè l plezi san menaje pawòl li sou sa ki gen rapò ak lese-frape vyolan ki fèt madi 16 pase a isit nan Washington kote sipòtè Prezidan Tirkia Recep Tayyip Erdogan te twoke kòn yo ak opozan prezidan an.

Kèk otorite ameriken kritike pwòch prezidan tirk kòmkwa se yo ki atake manifestan pasifik yo. Yo fè konnen aksyon sa a devan rezidans anbasadè Tirki la vyole pwoteksyon pou libète lapawòl nan peyi Etazini. Lapolis nan DC fè konnen yo tap tcheke rapò kote 2 sitwayen ki te jwenn arestasyon yo te pami gad lidè Tirki la, e lapolis ajoute ke lap chache lòt sispèk yo.

Anbasad Tirki a nan Washington lage vyolans la sou do gwoup ki konekte ak Pati Travayè Kirdistan an (PKK). Li fè konnen se yo ki te pwovoke sitwayen Tirk ki te reyini pou salye Mesye Erdogan.

XS
SM
MD
LG