Yon atak suisid ak kamyon pyeje gwoup Eta Islamik la revandike touye 70 moun pou pi piti nan yon estasyon gaz toupre sid kapital la Bagdad jodi a. Anpil nan viktim yo sete pèleren ki soti nan peyi Iran, ki te nan fèt Shiyit Arbaeen nan Karbala.
Otorite-yo fè konnen otobis chaje ak moun te estasyone nan moman an e ke plizyè machin te boule nèt akoz fòs eksplozyon an nan vil Hilla. Pèleren yo te sou wout pou tounen Iran apre yo te fin vizite Karbala pou obsève Arbaeen.
Arbaeen make finisman yon peryòd 40 jou dèy pou asasinay Imam Hussein, pitit-pitit Pwofèt Mohammed, nan 7èm syèk la. Patizan Iman Hussen yo panse ke yo te antere l nan Karbala.