Accessibility links

Prezidan Pwovizwa Ayisyen an Prezante Senpati li yon Lòt Fwa Ankò Bay Pèp Kiben an

  • Ekip Sèvis Kreyòl VOA

Prezidan Pwovizwa Ayiti Jocelerme Privert

Prezidan Jocelerme Privert te pami plizyè chèf deta nan mond lan ki te al patisipe nan fineray ansyen lidè kiben Fidel Castro. Li te retounen nan peyi D Ayiti dimanche 4 Desanm 2016 la olye de 5 Desanm jan nòt biwo prezidans lan te anose li a.

Biwo kominikasyon prezidans la nan Pòtoprens te fè konnen Prezidan Pwovizwa ayisyen Jocelerme Privert ak Premyè Dam Ginette Privert, te kite peyi a vandredi 2 desanm 2016 pou ale La Avàn, Kiba, kote yo te asiste seremoni ofisyèl entèman ansyen Prezidan Fidel Castro.

Na yon lòt nòt pou laprès, gouvènman an te anose drapo peyi D Ayiti nan tout aministrasyon leta yo ap monte demi ma, soti 2 pou rive 4 Desanm, kòm siy solidarite ap pèp kiben an apre lanmò lidè yo a. Ansyen lidè kominis Kiba a mouri vandredi swa 25 novanm 2016. Li te gen 90 zan.

Konvwa antèman ansyen prezidan kiben an, Fidel Castro, sou plas piblik Cespedes, Santiago, Kiba 3 Desanm, 2016. Foto: AP
Konvwa antèman ansyen prezidan kiben an, Fidel Castro, sou plas piblik Cespedes, Santiago, Kiba 3 Desanm, 2016. Foto: AP

Chèf leta ayisyen an ki tap pale ak laprès nan Pòtoprens apre li te sot patisipe nan fineray ansyen Prezidan Fidel Castro deklare, " Lanmò lidè revosyon kiben an se yon gwo pèt pou peyi tyè mond yo."

Korespondan Lavwadlamerk Orpha Dessources vin ak plis detay sou deklarasyon Prezidan Privert a nan odyo ki anba tèks la.

XS
SM
MD
LG