Accessibility links

Fanmi Lavalas Di li Rejte Rezilta Eleksyon Prezidansyèl 20 Novanm la

  • Ekip Sèvis Kreyòl VOA

Kandida alaprezidans sou banyè Fanmi Lavalas Dr. Maryse Narcisse ki tap reponn kesyon jounalis Reuters nan Pòtoprens, Ayiti, 25 janvye, 2016.

Kandida alaprezidans peyi D Ayiti anba banyè pati politik Fanmi Lavalas, Dr. Maryse Narcisse, di li kalifye de kou-deta elektoral rezilta preliminè eleksyon 20 novanm 2016 yo.

Dapre rezilta sa yo Konsèy Elektoral Pwovizwa (KEP) a pibliye lendi 28 novanm 2016 la, Jovenel Moise genyen kous prezidansyèl la avèk 55.67 pousan vwa yo, Jude Celestin rive an 2èm pozisyon avèk 19.52 pousan, Moise Jean Charles an 3èm avèk 11.04 pousan, e Dr. Maryse Narcisse an 4èm pozisyon avèk 8.99 pousan vwa.

Dr Maryse Narcise ki tap reyaji sou rezilta eleksyon yo nan mikwo kèk jounalis deklare, "Fanmi Lavalas pa rekonèt rezilta sa yo.”

Kilke sou lyen odyo anba tèks la pou tande deklarasyon Dr. Maryse Narcisse nan mikwo korespondan Lavwadlamerik nan Pòtoprens Orpha Dessources.

XS
SM
MD
LG